Archive for พี สะเดิด

สาวกระโปรงเหี่ยน – พี สะเดิด


..สาวกระโปรงเหี่ยน

มื้อนี้ไปเรียนแล้วบ้อ

ไปฮอดโรงเรียนบ่น้อ

หรือแม่นไปรอผู้บ่าว

ขี่มอเตอร์ไซค์

ออกบ้านตั้งแต่เช้า ๆ

ไปเรียนบ่หนอน้องสาว

หรือไปคุยบ่าวอยู่นำเถียง

 

..สาวกระโปรงเหี่ยน

มื้อนี้ไปเรียนบ่น้อหล่า

อ้ายเหลียวเบิ่งเวลา

ซางมาคือใกล้สิเที่ยง

ตั๋วว่าไปเรียน

ที่แท้ไปลี้อยู่เถียง

นัดผู้บ่าวไปนั่งเคียง

หัวซุบกันอยู่กลางท่ง

 

..ระวังใจ

อย่าฟ้าวเป็นไปลายต่าง

อ้ายเหลือโตนพ่อแม่นาง

ทางบ้านเพิ่นหาเงินส่ง

ลำบากทั้งกาย

ทั้งใจหวังพึ่งโฉมยง

สาวเรียน ม.คิ้วโก่ง

อย่ามัวนำเล่นอย่างเดียว

 

..สาวกระโปรงสั่น

หนังสือบ่หันใส่หน้า

พอตกแลงลงมา

อ้ายเห็นแต่พากันเที่ยว

ขี่มอเตอร์ไซค์

กอดกันปานว่างูเขียว

ขอเงินแม่ใช้ลูกเดียว

อ้ายคึดนำเจ้าแท้น้อ

 

 

..ระวังใจ

อย่าฟ้าวเป็นไปลายต่าง

อ้ายเหลือโตนพ่อแม่นาง

ทางบ้านเพิ่นหาเงินส่ง

ลำบากทั้งกาย

ทั้งใจหวังพึ่งโฉมยง

สาวเรียน ม.คิ้วโก่ง

อย่ามัวนำเล่นอย่างเดียว

 

..สาวกระโปรงสั่น

หนังสือบ่หันใส่หน้า

พอตกแลงลงมา

อ้ายเห็นแต่พากันเที่ยว

ขี่มอเตอร์ไซค์

กอดกันปานว่างูเขียว

ขอเงินแม่ใช้ลูกเดียว

อ้ายคึดนำเจ้าแท้น้อ

Advertisements

Leave a comment »

รำพึงข้างโพน – พี สะเดิด

 

เดือนอ้ายเดือนยี่

สายลมพัดวียอดไผ่พลิ้วไหว

ว่าวสนูแว่วมาแต่ไกล

ตอนดึกเรไร

หรีดฮ้องเคียงโพน

เห็นควายเลเฒ่า

เจ้านอนหนาวเป็นตาเหลือโตน

เหลืองหล่นแล้วใบกระโดน

ลำน้ำขอดโคนปลาข่อนแจนา

สายลมโชยผ่าน

ข้าวเหลืองตระการ

ร่วงหล่นกลางนา

ฟ้าวเก็บเกี่ยวเถอะนะน้องหล้า

ฟาดข้าวนอนนา

ต้มปลายามแลง

อีเกิ้งเทิงฟ้า

หมู่ดาวนั้นหนา

จงช่วยส่องแสง

หมู่เฮาเอาใจโฮมแฮง

สิฮ้อนสิแล้งอย่าไปหัวซา

เสียงพิณ

เสียงแคนแอ่วสาวแว่วมา

เสียงหมอลำม่วนซื่นอุรา

หมู่เฮาเข้ามา

ม่วนกันยามบุญ

กำเคียวเกี่ยวข้าว

เก็บเอาไว้ใส่กระทอเป็นทุน

เอาแรงแบ่งใจเกื้อหนุน

ส่อยกันค้ำจุนผู้ทุกข์ได้ยาก

อ่วยหน้าลงนา

เอาหลังสู้ฟ้าเอาหน้าสู้ดิน

แม้นว่าพออยู่พอกิน

บ่ ขอโบยบินจากถิ่นบ้านเฮา

ฮีตคองปู่ตา

ได้นำพามาแต่ก่อนเก่า

ให้เบิ่งให้แงงผู้เฒ่า

เด็กน้อยสูเจ้าจงจำใส่ใจ

 

 

เสียงพิณ

เสียงแคนแอ่วสาวแว่วมา

เสียงหมอลำม่วนซื่นอุรา

หมู่เฮาเข้ามา

ม่วนกันยามบุญ

กำเคียวเกี่ยวข้าว

เก็บเอาไว้ใส่กระทอเป็นทุน

เอาแรงแบ่งใจเกื้อหนุน

ส่อยกันค้ำจุนผู้ทุกข์ได้ยาก

เฮาเกิดบ่อนนี้

เฮาใหญ่บ่อนนี้

บ่ หนีไปไส

นี่คือแผ่นดินไทย

สิเกิดภาคใด๋ก็ไทยคือเก่า

ฮักชาติกำเนิด

มาเถิดหนา

สร้างแปลงบ้านเฮา

ชาวนาเฮ็ดนาปลูกข้าว

ให้ซุมเจ้าได้อยู่ได้กิน

 

 

Comments (1) »

คักแท้น้อ – พี สะเดิด

 

 

ฉันเป็นล่ะหนุ่มเมืองอีสาน

หอบเอาแรงงาน

ล่ะเข้าเมืองบางกอก

เข้ามาล่ะหาเช้ากินค่ำ

อาบเหงื่อต่างน้ำ

ภาษาคนบ้านนอก

ทำงานก็ถูกโกงค่าจ้าง

บ่ เหลือโตนเฮาบ้าง

กะซ่างหัวเพิ่นดอก

สู้ทนล่ะทำงานต่อไป

เก็บเงินเอาไว้

ล่ะส่งไปบ้านนอก

[ทุกข์แท้น้อ ทุกข์แท้น้อ]

[ทุกข์แท้น้อ ทุกข์แท้น้อ]

[ทุกข์แท้น้อ ทุกข์แท้น้อ]

.คิดฮอดไข่มดแดง

เอาไปแกงใส่ผักหวานป่า

คิดฮอดเห็ดแทกเห็ดท่า

ฝนตกมากบเขียดมันฮ้อง

คิดฮอดพี่ฮอดน้อง

พวกซุมเจ้าซำบายดี บ่

 

 

ฉันเป็นล่ะหนุ่มเมืองอีสาน

เจอสาวเมืองสวรรค์

น่ะขาวปานไข่ปอก

นุ่งสั้นล่ะใส่เสื้อสายเดี่ยว

งวกมองแป๊บเดียว

ล่ะหัวใจแทบซ็อก

ถึงหน้าวันเทศกาล

อยากพาเธอ

ล่ะนั้นกลับไปบ้านนอก

เอาไปล่ะอวดเพื่อนอวดฝูง

ว่ามีสาวชาวกรุง

เป็นแฟนนะขอบอก

[คักแท้น้อ คักแท้น้อ]

[คักแท้น้อ คักแท้น้อ]

[คักแท้น้อ คักแท้น้อ]

.คิดฮอดแก้มแดงๆ

ยิ้มแป่งแซ่งผู้สาวลำซิ่ง

น้ำใสล่ะในจอกติ่งลิ่ง

แม่นถืกคีงพวกเฮาพี่น้อง

หน้าฮ้านบุญบ้านเจ้าของ

ฟ้อนล่องข่องเกี้ยวสาวหมอลำ

[ม่วนแท้น้อ ม่วนแท้น้อ]

[ม่วนแท้น้อ ม่วนแท้น้อ]

[ม่วนแท้น้อ ม่วนแท้น้อ]

 

 

ฉันเป็นล่ะหนุ่มเมืองอีสาน

เจอสาวเมืองสวรรค์

น่ะขาวปานไข่ปอก

นุ่งสั้นล่ะใส่เสื้อสายเดี่ยว

งวกมองแป๊บเดียว

ล่ะหัวใจแทบซ็อก

ถึงหน้าวันเทศกาล

อยากพาเธอ

ล่ะนั้นกลับไปบ้านนอก

เอาไปล่ะอวดเพื่อนอวดฝูง

ว่ามีสาวชาวกรุง

เป็นแฟนนะขอบอก

[คักแท้น้อ คักแท้น้อ]

[คักแท้น้อ คักแท้น้อ]

[คักแท้น้อ คักแท้น้อ]

คิดฮอดแก้มแดงๆ

ยิ้มแป่งแซ่งผู้สาวลำซิ่ง

น้ำใสล่ะในจอกติ่งลิ่ง

แม่นถืกคีงพวกเฮาพี่น้อง

หน้าฮ้านบุญบ้านเจ้าของ

ฟ้อนล่องข่องเกี้ยวสาวหมอลำ

 

 

Comments (1) »

ตำซั่ว – พี สะเดิด

 

 

หน้า เจ้าขาว

เหมือนดังข้าวปุ้น

โอ้ แม่คุณ หุ่นสวยสะเด็ด

แก้มแดง ปานมะเขือเทศ

เฮ็ด อีหยัง มาซังงามหลาย

นิ้วเรียว เหมือนถั่วฝักยาว

ฟันขาว

เหมือนกระเทียมเนื้อใน

ผิวเรียบ ปานบักฮูงปอกไว้

เบิ่งยามใด ก็ถูกใจอย่างแฮง

เบิ่งยามใด ก็ถูกใจอย่างแฮง

[อยากจะกินสักคำ ฮื่อ]

[อยากจะกินสักคำ ฮื่อ]

[อยากจะกินสักคำ ฮื่อ]

[อยากจะกินสักคำ ฮื่อ]

 

 

……ยิ้ม เจ้าหวาน

เหมือนน้ำตาลก้อน

ขนตางอน งอเหมือนกุ้งแห้ง

รูปไข่ เหมือนงามปานแต่ง

เสน่ห์แรง

โชยเหมือนกลิ่นปลาร้า

พอถาม ว่าบ้านอยู่ไส

มีไผ ในหัวใจบ่หล่า

อ้ายฮักเจ้าเมื่อแรกเห็นหน้า

ฮักน้องหล่า แม่สาวตำซั่ว

ฮักน้องหล่า แม่สาวตำซั่ว

[อยากจะกินสักคำ ฮื่อ]

[อยากจะกินสักคำ ฮื่อ]

[อยากจะกินสักคำ ฮื่อ]

[อยากจะกินสักคำ ฮื่อ]

ตำ เอ้า ตำตำ ตำตำ

เอ้า ตำตำ ตำตำ

เอ้า ตำตำ ตำตำ เอ้า ตำ

ตำ เอ้า ตำตำ ตำตำ

เอ้า ตำตำ ตำตำ

เอ้า ตำตำ ตำตำ เอ้า ตำ

ตำ เอ้า ตำตำ ตำตำ

เอ้า ตำตำ ตำตำ

เอ้า ตำตำ ตำตำ เอ้า ตำ

 

 

ยิ้ม เจ้าหวาน

เหมือนน้ำตาลก้อน

ขนตางอน งอเหมือนกุ้งแห้ง

รูปไข่ เหมือนงามปานแต่ง

เสน่ห์แรง

โชยเหมือนกลิ่นปลาร้า

พอถาม ว่าบ้านอยู่ไส

มีไผ ในหัวใจบ่หล่า

อ้ายฮักเจ้าเมื่อแรกเห็นหน้า

ฮักน้องหล่า แม่สาวตำซั่ว

ฮักน้องหล่า แม่สาวตำซั่ว

อ้ายฮักเจ้าเมื่อแรกเห็นหน้า

ฮักน้องหล่า แม่สาวตำซั่ว

 

..

Leave a comment »